Pale Blue Dot

Fotografia dhe imazhi më i largët i Tokës sonë i fotografuar nga Woyager and Viking. Shikone me kujdesë këtë video dhe dëgjone me vëmendje se çka thotë Astrofizikani dhe narratori më i njohur i Astronomisë Dr. Carl Sagan. (më poshtë po e jap edhe përkthimin më shkronja në gjuhën shqipe)

Sagan: “Nga kjo pikë e vrojtimit e largët, Toka mund të mos duket me interes të veçantë. Por për ne është ndryshe. Shikoni përsëri atë pikë. Është këtu. Ajo është shtëpia. Është ne. Në të janë të gjithë ata që doni, të gjithë ata që i njihni, të gjithë ata që për të cilët nuk keni dëgjuar të flitet, çdo qenie njerëzore që ka ekzistuar ndonjëherë, jetuan jetën e tyre këtu. Së bashku me gëzimet dhe vuajtjet tona, mijëra feve, ideologjive e doktrinave ekonomike, në mënyrë të sigurte për veten e tyre, çdo gjuetar e kërkues, çdo hero e frikacak, çdo krijues dhe shkatërrues të civilizimit, çdo mbret dhe njeri i thjeshtë, çdo çift ir i dashuruar, çdo nënë dhe baba, fëmija shpresëdhënës, shpikës dhe eksplorues, çdo predikues (mësues) i moralit, çdo politikan të korruptuar, çdo “superstar”, çdo “lider suprem”, çdo i shenjtë e mëkatar në historinë e species sonë që ka jetuar atje, në një pikë të vogël të pluhurit pezull në një rreze dielli. Toka është një fazë e vogël në një arenë të madhe kozmike.

Mendoni lumenjtë e gjakut të derdhur nga të gjithë ata gjeneral dhe perandorë, në lavdi dhe triumf, ata mund të bëhet zotërit e çastit në një pjesë të kësaj pike (Lexo: Tokës). Mendoni për mizoritë e pafund dhënë nga banoret e një cepi të kësaj pike, për banoret të tjerë që mezi dallohen në disa qoshe tjera, sa të shpeshta janë keqkuptimet e tyre, se si të etur për ta vrarë njëri-tjetrin, se sa të zjarrta janë urrejtjet e tyre. Salltaneti ynë, imagjinata për vet-respektin tonë, iluzioni se ne kemi disa pozita të privilegjuara në Univers,  janë pjesë e diskutimeve sfiduese në këtë pikë të dritës së zbehët. Planeti ynë është një pikël e vetmuar në errësirën e madhe kozmike. Në errësirën tonë, në tërë këtë pafundësi, nuk ka tregues se mundë të merrni ndihmë nga vende të tjera për të na shpëtuar nga vetja.

Toka është bota e vetme e njohur që ofron jetë. Nuk ka asnjë vend tjetër, të paktën në të ardhmen e afërt, ku ne mund të migrojmë. Vizitë, po. Banim, jo ende.

Ashtu si ai apo ajo, për momentin Toka është vendi ku kemi luajtur “kartat tona”. Është thënë se astronomia është një eksperiencë modeste dhe karakter-formuese. Ndoshta nuk ka demonstrim ma të mirë se marrëzia e konceptit njerëzorë si ky imazh i largët i botës sonë të vogël. Për mua, ajo nënvizon përgjegjësin tonë për t`u marrë me më shumë mirësi me njëri-tjetrin, dhe për ta ruajtur dhe ushqyer këtë pikë të kaltër të zbehët (lexo: Toka), shtëpinë tonë të vetme që kemi njohur ndonjëherë!”

Stop diskriminimit

Me këtë slogan edhe përfundoj etapa e tret e trajnimit “Ta Përfundojmë Diskriminimin Institucional duke Promovuar Zërin e Personave me Aftësi të Kufizuara në Media”.
 

Trajnimi zgjati tri dit ku në të cilin kishte pjesëmarrës nga OJQ të ndryshme si dhe pjesëmarrës nga shoqëria civile dhe gazetar të mediumeve të ndryshme.Ky trajnim u mundësua nga Handicap Kosova me mbështetjen e Unionin Evropian.

Gjatë këtij trajnim të pranishmit u pajisën edhe më një doracak i cili po ashtu u mundësua nga Handicap Kosova dhe UE (Unioni Evropian). Çështja e personave me aftësi të kufizuar vërtet është një çështje për tu shqetësuar dhe për të marr hapa konkret në zbatimin e ligjeve ndërkombëtare që te ne janë shumë larg këtij realiteti. 

Gëzim Abazi, koordinator i shoqatës “ Handicap Kosova” në ditën përmbyllëse falënderoi të gjitha ata pjesëmarrës dhe të gjithë ata që mundësuan realizimin e këtij trajnimi ku edhe shpjegoj se konferenca përmbyllëse do të mbahet në muajin shtator dhe do të pajisën me certifikata ata që ndoqën këtë trajnim. Ai kishte një zë kritikues duke filluar nga instancat qeveritare, ato mediale deri tek shoqëria civile. “Diskriminim është evident në ç`do institucion të Kosovës, personat me aftësi të kufizuar pos vështirësive që kanë të përditshme ata ballafaqohen edhe me diskriminim direkt e indirekt, tha mes tjerash z. Abazi. Ai nuk përjashton mundësin e ndonjë greve në të ardhmen për ti kërkuar të drejtat e personave me aftësi të kufizuar të cilat nuk zbatohen në vendin tonë me as 0.1%.

Ligjërues i këtij trajnimi ishte Dr. Nexhat Shatri. Në këtë trajnim të pranishmit u stimuluan edhe me raste gjyqësore dhe raste të tjera të mundshme që ballafaqohen këta persona e që vërtet kategoria e tyre nga qarqet sunduese në Kosovë nuk merret para sysh fare.

Ne si një shtet i ri i cili synon ti bashkohet familjes së madhe Evropiane duhet të jemi shumë të kujdesshëm dhe ti përmbushim nevojat elementare për këta persona e cila është dhe duhet të jetë njëra prej kushteve për anëtarësimin tonë në Unioni Evropian, sepse të hendikepuarit dhe personat me aftësi të kufizuar janë familja jonë, janë të afërmit tanë dhe ne si media, si politikan, si qytetar duhet ti respektojmë dhe ti përmbushim kërkesat e tyre shumë reale dhe të drejta, ngase kush na garanton se edhe ne nesër nuk do të bëhemi pjesë e tyre! /Avni Jashari/

Marrja nis nga qeveria baca Riza!

Sa me ngazëllim e me një simpati (si ç`do herë) fillova ta lexoj një kolumne të shkrimtarit tonë të dashur Riza Greiçevci e cila titullohej “MARRE” (në gazetën Lajm).
Përgjatë këndvështrimit të tije deri tek gjysma e ati vështrimi ndjeva një sodisfaksion dhe një çlirtësi ngaqë ato që i sillte baca Riza ishin aq reale, aq evidente, aq të pastra sa që as pushka e topi nuk mund ti lakoj.

Shkruan: Avni Jashari

Autori kah mesi i këtij opinioni thotë kështu (me plotë të drejte): “Marren s'na e sollën të tjerët. As hasmi as kasapi. Marren e kemi shpikur ne vetë, dhe, o e mirë, o e keqe,ia pafshim llullën e hairit o të sherrit. Marrja, flitet, është sikur rakia: Sa më shumë e pi, aq më shumë ke etje për të. Dhe kur mësohesh me Marren (rakinë),hajt në paç mundësi me e lënë, me ik prej saj.
Marrja kur hyn në gjak, në tru, kur bëhet e lirë, ajo s'të hiqet prej teje, të mbetët vetëm të bësh vetëvrasje, më mirë të bjerë, shpëtim nga Marrja s'ke!”

Kjo është një dukuri që mbase duhet të irritohemi të gjithë pa dallim moshe a gjinie, vërtet populli ynë nuk e ka pasur kurrë në traditë ti dal marrja për fushe e sot ta kultivojë atë.

Unë assesi nuk mundë të pajtohem më bacën Riza kur thotë : “i Marruar, lëre të qetë popullin e Kosovës, Qeverinë...” kur u nisa e të thellohem në këtë temë prita nga autori që të tregoj edhe MARRET e qeveris e qarqeve sunduese në Kosovë, por tema në fjalë mua mu kthye bumerang kur baca Rizah i nxjerr qeverinë si burra të mirë dhe shumë korrekt ndaj u bënë thirrje disa deputetëve që ti ndalin marrët e ti lënë qeverinë dhe kuvendin ta bëjnë punën e tyre të drejtë.

A ka ma MARRE  baca Riza se qeveria e Kosovës e mbanë peng popullin saj me jo transparencë dhe jo kredibilitet?

A ka ma MARRE baca Riza se qeveria e Kosovës po bënë marrëveshje me okupatorin dhe me popullin i cili na shtypi, përdhosi, vrau, persekutoj, dhunoi etj. dhe sot akoma as nuk ka kërkuar e as se kanë ndërmend të kërkojnë falje për gjenocidin që bëri dhe shfryu mbi popullin tonë?

A ka ma MARRE baca Riza se qeveria e Kosovës tash e dy muaj i lë me shator të vendosur çlirimtarët që nuk bënë gjë të keqe veçse i lan tërë familjet e tyre ne një kohë të vështir për të luftuar e për të sjell paqe në këtë vend e cila edhe u arrit me ndihmën ndërkombëtare, sot kanë mbetur si hije imazhi të brishtë para ndërtesës qeveritare e cila fare nuk qan kokën për ta!

A ka ma MARRE baca Riza se qeveria e Kosovës fillon e ndërton auto-udhën e kombit dhe kurrë nuk bën transparente kontratën para qytetarëve të saj, e cila siç dihet paguan tre fish ma shumë se që është e duhur, dhe ai trefish diku shkon dikush po pasurohet në kurrizin tonë të shkret! etj. etj

Unë pajtohem se marrja ka dal për fushë por ti kursesh ata të cilët po e kultivojnë e gatuajnë marrën nuk më duket transparente. Ti madje baca Riza në fund të opinionit tuaj thoni kështu: “Parlamenti me siguri e ka të drejtën parlamentare, kushtetuese, qytetare, së paku për hir të popullit, sakrifica, gjaku, vota e të cilit sot ka bërë që Kosova të jetë shtet, me Kushtetutë, Parlament, Qeveri, dhe me stafin meritor të Parlamentit. Populli u bën thirrje: Boll ma! Ta keni me dije, është lodhur populli! Nuk e meriton marren e të marruarve populli! Ka Kosova ligje, ka gjykata. Ka drejtësi. Ka prokurorë!Epo, të vemi fuqishëm nga e mbara!”

Unë gëzohem që Kosova ka ligje e gjykata, po sa janë të drejta dhe sa janë transparente e korrekte? Nuk besoj se ju nuk e dini këtë. Populli është e vërtet se po bënë thirrje për BOLL MA. Ama po bon thirrje për boll ma na vodhët, boll ma na rrjeptë, boll ma korrupsionit, boll ma hajnisë, boll ma jo transparencës, boll ma shantazheve. etj sepse në këtë vend pa vend BOLLI nuk ka të ndal. Të gjithë e dimi se në cilat ranglista radhitët Kosova sot “për të mirë”, andaj baca Riza me gjithë respektin dhe dashurinë qe kam për ju si krijues tu kisha lutë që kur të bëni tema të tilla aman mos i kurseni ato gjana që për q`do ditë të Zotit i shohim e kemi para syve tanë.